Skátafélagið Hamar auglýsir til umsóknar stöðu skólastjóra Útilífsskóla Hamars.  

Útilífsskóli Hamars er með tvær starfsstöðvar, eina í skátheimili í Logafold og aðra í grunnskóla í Grafarholti.  Um er  að ræða fjögur tveggja vikna námskeið sumarið 2012 fyrir 8-11 ára gömul börn.  Í lok seinni viku á hverju námskeiði er einnar nátta útilega. Námskeiðin byggja á mikilli útiveru og meðal viðfangsefna eru sund, náttúruskoðun, klifur, sig, rötun, útieldun, skátaleikir og fleira.

Viðkomandi þarf að geta hafið störf um miðjan maí.

Helstu verkefni og ábyrgð

Ber ábyrgð á daglegri stjórnun, skipulagningu og umsjón með Útilífsskóla Hamars.

Ber ábyrgð á markaðssetningu og auglýsingum fyrir Útilífsskólann

Undirbúningur og skipulagning á útilífsnámskeiðum

Umsjón með starfsmannamálum s.s. ráðningum á starfsfólki Útilífsskólans, vinnuskipulagi, vinnutímum starfsmanna og samskipti við Vinnuskóla Reykjavíkur

Leiðbeina og þjálfun starfsfólk Útilífsskólans

Ber ábyrgð á daglegum rekstri og innkaupum

Hæfniskröfur

Reynsla af stjórnun

Reynsla af skátastarfi er kostur

Sjálfstæði í vinnubrögðum

Færni í mannlegum samskiptum

Skipulagshæfileikar, frumkvæði, áhugi og metnaður í starfi

Frekari upplýsingar um starfið

Starfshlutfall   100%

Umsóknarfrestur   10.04.2011

Nánari upplýsingar um starfið veitir Ottó Ingi Þórisson í síma 691-8666 eða með því að senda fyrirspurnir á ottoingith(hjá)gmail.com

Umsóknir ásamt ferilskrá skulu berast á netfangið skfhamar@simnet.is

Gleðilegt nýtt ár

Skátastarfið hefst  að nýju 16. og 17. Janúar. 

Einhver misskilningur varð hjá okkur eftir jólafríið og byrjum við þess vegna svona seint. Afsakið það ef einhver vandræði hafa komið upp.

Sömu tímar verða hjá sveitunum en nýr sveitaforingi tekur við af Ósk sem þurfti frá að hverfa í önnur verkefni.

Sá heitir Blængur Blængsson og hefur verið í skástarfi frá ungaaldri.

Skátakveðja

Skátafélagið Hamar

Með því einu að fá þér Orkulykil með sérkjörum

Við bjóðum stuðningsmönnum Hamars Orkulykil með sérkjörum.
Hvað gerir tilboðið fyrir þig?

 5 kr afsláttur hjá Shell
 3 kr afsláttur hjá Orkunni
 10 kr af lítra í upphafsafslátt fyrstu 5 skiptin
 10 kr af lítra á afmælisdaginn
 5 kr. afsláttur á Ofurdögum (amk 12 sinnum á ári)
 10-20 % afsláttur af ýmsum bílatengdum vörum og þjónustu

Hvað gerir þú fyrir Hamar?
Orkan og Shell heita 2.500 kr. Á hvern útgefinn Orkulykil/kort sem nær lágmarksveltu (300 lítrar eða sem nemur ca 6 fullum áfyllingum, af þeim eru 5 áfyllingar með 10 kr afslætti á lítrann) Að auki greiðir skeljungur Hamri 1 krónu af hverjum seldum lítra í gegnum félagið.
Þú getur sótt um á www.orkan.is og gættu þess að skrifa „HAMAR“ í reitinn þar sem stendur „Hópur“ Við sendum þér svo heim í pósti, ótengdan lykil eða kort, allt eftir því hvort þú valdir. Um leið og þú hefur gengið frá tengingu við debet- eða kreditkort á heimasíðunni okkar nýtur þú sérkjara Orkulykilsins. Þeir sem eru þegar handhafar á Orkulyklinum geta haft samband við þjónustuver í síma: 578 880 eða sent fyrirspurn á orkan@orkan.is og við uppfærum afsláttinn.

Haldin verður kvöldvaka í skátaheimilinu a miðvikudaginn kl 18.30. Á kvöldvökunni verða nýjir skátar vígðir og eftir hana gæðum við okkur saman á kakó og kexi.

Foreldrar eru hvattir til að mæta með börnunum sínum. Sjáumst kát :)

Útilega Fálkaskáta

Helgina 14.-16. október ætla Fálkaskátar (10-12 ára) í útilegu. Um er að ræða sameiginlega útilegu Azteka. Ferðinni er heitið í  í skálann Vífilsbúð.

Við ætlum að fara á einkabílum og því óskum við eftir foreldrum sem geta annaðhvort keyrt eða sótt í ferðina. Það er skemmtilegt tækifæri fyrir foreldra að aka skátunum, þannig kynnast þeir starfinu betur.

Í boði kvöldkaffi á föstudags- og laugardagskvöldið. Skátarnir koma með annað nesti. Um er að ræða c.a. 6 máltíðir auk millibita (2 morgunm., 2 hádegism., 1 síðdegism. og 1 kvöldm.). Mikilvægt er að koma með hollt og gott nesti en leyfilegt er að koma með sætindi í hófi.

Brottför: Mæting í skátaheimilið kl. 19:00 á föstudeginum.

Heimkoma: Áætlað er að leggja af stað frá Vífilsbúð kl. 12:00 og því er áætluð heimkoma í skátaheimilið kl. 12:30 á sunnudeginum.

Útbúnaðarlisti:

• Ullarnærföt eða sambærilegt
• 2 pör sokkar t.d. ull eða thermo
• Nærföt til skiptanna
• 2 stk peysur
• 2 pör buxur (ekki gallabuxur)
• Vettlingar
• 1 stk. flíspeysa eða ullarpeysa
• Trefill
• Húfa eða lambúshetta
• Vatns- og vindþolin hlífðarföt
• Gönguskór
• Inniskór
• Náttföt
• Skátabúningur (Það sem skátarnir eiga)
• Svefnpoki og koddi
• Bakpoki
• Vasaljós (athuga áður hvort í lagi - auka batterí)
• Tannbursti og tannkrem
• Þvottastykki og lítið handklæði
• Hárbusti / greiða
• Myndavél (á eigin ábyrgð, ath. enginn önnur raftæki leyfileg)
• Lesefni
• Vatnsflaska (t.d. 0,5 ltr - gosflaska án goss)
• Lyf (ef þörf er á slíku - þarf þá að láta foringja vita)
• Hnífur ef maður vill

Gott er ef foreldrar geta látið starfsmann vita tímanlega ef þeir geta ekið skátunum. Endilega hafið samband við foringja eða starfsmann ef spurningar vakna.

Með von um skemmtileg ferð.

Daníel (starfsmaður), skfhamar(at)simnet.is, 897-3088

Ágúst (sveitaforingi Azteka í Logafold), s: 849-2440