Bandalag íslenskra skáta mun halda Afmælismót 2010 í tilefni þess að 100 ár eru liðin frá því að Alþjóða kvenskátahreyfingin var stofnuð undir handleiðslu Agnes Baden-Powell, systur Robert Baden-Powell eftir að eftirspurn eftir skátastarfi fyrir stelpur jókst.

Hvar? Útilífsmiðstöð skáta Úlfljótsvatni.

Hvenær? Dagana 5. – 8. ágúst 2010. Mótssetning er kl. 22 á fimmtudegi og mótsslit kl. 12 á sunnudegi.

Fyrir hverja? Mótið er ætlað öllum skátum og vinum þeirra frá dróttskátaaldri og upp úr (fæddir 1997 eða fyrr)

Dagskrá mótsins: Á mótinu verður boðið upp á fjölbreytta dagskrá og ættu allir að geta fundið eitthvað við sitt hæfi. Hvort sem þú villt veltast um í vatnasafaríinu, reisa stærðarinnar trönubyggingar, róa á vit ævintýranna eða reyna fyrir þér í mýrarbolta. Eins verður boðið upp á skátakeppni þar sem tekist verður m.a. á í mysudrykkjukeppni eða þríhyrningahlaupi. Þannig núna er tækifærið til þess aðfara heim og æfa sig. En ef þetta hentar þér ekki þá er alltaf tækifæri til að sýna sig og sjá aðra á kaffihúsinu.